انتبه منک وإجي ابطیفک بکبداي
احولب والخــــــلگ گالو بکبــــداي
انتــه ابمهجتي ابعگلي بکبـــداي
ابدلیلي ابنـاظري ابروحي الشجیه
(الراحل نعمة الله یباري الکناني)
یگضیهه بس المــوت من عدنه گــوه
(حمید غافل البوعبادي
ابد لا تمن ابـــدنیــــــاک مــره
ساعه ولن تجدهه اویاک مره
اخــوک الینتخي ابنخواک مــره
اوتحــزم دوم لل بیهـــم حمیـه
(قاسم ابو میــلاد النیسي)
مشتاگ اشوف اهـواي واتعــنه بیـــته
صــــــار الگـــلب نصین من فـــارگیــته
(احمد مجید البوغبیش)
دارس مایفـــیده الچــــرخ وسن
ابحــرف التر تنــدبه کـــون وسن
ابشور امه او حرمته النذل وسن
سله امنلعــــود ماخذهه سجیه
(حبیب ابومکي العــدگي )
دم سال الجـــفن ماسال بســما
ولا سني ابتسم من صدگ بسما
یعت وتصــدعت وعسرت بســـــما
اطلبت فـــد یــوم لـــو مــدیت أدیـه
(حبیب ابو مکي العـــدگي)
عمـــر ماشفت نجمـــة سعــد بســماء
اوعله اشفافي حرام اتدور بســــــــماء
ردت امســح ابأیدي الدمــــع بســماء
تنـــــــوش امچتـــفات اثنــین أدیــــه
(عبدالکریم هلال الخنفري)
وحگ المــا طلب واحــد بدیتــه
طریق البي خطر عمـــده بدیته
الــرجل روحـــه یذللهه بدیتـــه
ویعـــزهه ویکبـر ابنخــوه وحمیه
(سمیر ابو ماجد البوصبیــح)
ابسیاسه یا زمن بهـــداي موتل
تتلنــي والقـــهر بحشاي مــوتل
اتــلول وگمت احشم الزلـم موتل
زلــم هـل چانت اســباع الثنـیه
(عبدالواحد حداد البوغبیش)
الحیــــــاة بنــــــاء جســــر من الثقــه بالنفس فــوق بحــر من الیأس والانکســار
منصـــح بدیت اویـــاک حبیت اخاویک
لو ما افیــدک یـــوم مایـــوم اعابیــــک
......................................
من چعبي شبت نار وصــلت الـــراسي
هیچ انه حالي اعلیک لیش انته ناسي
(حمید غافل آلبوعبادي)
وحدک بگیت ویای ماظل عضیدک
چبد ال یجالع نار بــخ چبدي بیدک
........................................
چبدي ابجمــر مشعول وایضاً دلیلي
گوه من اگل لک گوم برد قلیــــلي
.........................................
خوان الک هل ناس ما هـم عبیدک
حاچیهم بمعروف وارخي الهم ایدک
........................................
حب ربعک ال حبوک وتعني خلک
لــو باشرتهم دوم ما احد یملــک
.....................................
الفــارابي تدري اش گال فکر یا لاهي
بلحدي من انام ارتاح رحمه من الهـي
(الملا فاضــــل السکراني )
29/11 سنة 2013 المیلادي
الغیــرک ما وله گلبي ولهــلاک
المــوت ابصدت اعیونک ولهــلاک
عمامک ماتبــي گربي ولهــلاک
اشبصرک یل غرامک عمــل بیه
(عبود الحي سلطان)
وکتنــه الحــال بسنینه یــدرکـون
ویخلــي المــایدرکونه یــدرکــون
طیـــر الصــگر بجنــاحه یدرکـون
القفس ذله ومــذله ومهضمیـه
(عبدالواحد حداد البوغبیش)